اقوام متحدہ ۔ 20 ستمبر (اے پی پی)وائٹ ہاﺅس ’ وزیراعظم شاہد خاقان عباسی اتے امریکی نائب صدر مائیک پینس وچال گالھ مہاڑ کوں اہم قرارڈیندیں ہوئیں آکھیا جو پاکستان ڈونلڈ ٹرمپ دی جنوبی ایشیائی پالیسی تے امریکہ دا سانجھے دار بنڑ کراہیں بہوں کجھ حاصل کر سگدے۔ اقوام متحدہ دی جنرل اسمبلی دے اجلاس دے موقع تے وزیراعظم شاہد خاقان عباسی اتے امریکی نائب صدر دی ملاقات تے جاری کیتے گئے بیان اچ وائٹ ہاﺅس آکھیا جو ایں ملاقات اچ امریکی صدر ڈونلڈ ٹرمپ دی جنوبی ایشیائی حکمت عملی جئیں دا اعلان گزریل مہینے کیتا گئیا بارے اہم گالھ مہاڑ تھئی اے۔بیان دے مطابق امریکی نائب صدر ،صدر ٹرمپ دے ایں یقین کوں دہرایا اتے آکھیا جو پاکستان خطے اچ اساڈی کوششاں اچ سانجھے دار بنڑ کراہیں بہوں کجھ حاصل کر سگدے۔پاکستانی سفارتخانے ولوں جاری بیان دے مطابق وزیراعظم شاہد خاقان عباسی اتے امریکی نائب صدر افغانستان اتے خطے اچ امن تے استحکام بارے معاملے تے گالھ مہاڑ کیتی اتے ڈوپاسہ تعلقات کوں ودھاونڑ سانگے رل تے کم کرنڑ تے اتفاق کیتا
