وزیراعظم شاہد خاقان عباسی دی اقوام متحدہ دے سیکرٹری جنرل انتونیو گیٹریز نال ملاقات

APP78-21 NEW YORK: September 21 - Prime Minister Shahid Khaqan Abbasi shaking hands with UN Secretary General Antonio Guterres at the UN Headquarters. APP

نیویارک ۔ 21 ستمبر (اے پی پی) وزیراعظم شاہد خاقان عباسی دی اقوام متحدہ دے سیکرٹری جنرل انتونیو گیٹریز خمیس کوں اتھاں ملاقات کیتی اتے مسئلہ کشمیر چاتا،مقبوضہ جموں تے کشمیر اچ بھارت دی انسانی حقوق دی خلاف ورزیاں تے مبنی دستاویزی شواہد حوالے کر ڈتے۔وزیراعظم اقوام متحدہ دے سیکرٹری جنرل تے زور ڈتا جو او کشمیر تے خصوصی نمائندہ مقرر کرن۔انہاں آکھیا جو اے ناگزیر اے کیونجو بھارت مذاکرات دے سارے دروازے بند کر رکھین ۔انہاں بھارتی سکیورٹی فورسز ولوں فائر بندی دی خلاف ورزیاں بارے وی ڈسایا،کشمیر تے اقوام متحدہ دا خصوصی نمائندہ مقرر کیتا ونجے۔انہاں آکھیا جو صرف ایں سال 600واری خلاف ورزیاں کیتیاں گئین ۔وزیراعظم انہاں کوں ڈسایا جو صرف دے دے ڈینھ بھارتی فورسز دی فائرنگ نال ایل او سی تے چار شہری شہید تھین ۔ وزیراعظم شاہد خاقان عباسی اتے اقوام متحدہ دے سیکرٹری جنرل ’ افغانستان دی صورتحال تے وی گالھ مہاڑ کیتی اتے افغانستان اچ پائیدار امن سانگے گالھ مہاڑ نال کہیں نتےجے تے پجنڑ دی لوڑھ تے زور ڈتا۔ اقوام متحدہ دے سیکرٹری جنرل آکھیا جو پاکستان انہاں کوں بہوں عزیز اے۔سیکرٹری جنرل سابق وزیراعظم محمد نواز شریف نال آپنڑی ملاقاتاں کوں وی خوشگوار انداز اچ یاد کیتا۔