پاکستان اچ دہشت گردی دے خلاف ساریں توں وڈی تے خطر جنگ لڑی گی ، اے جنگ پاکستان اپنڑے وسائل نال لڑی ہے
دہشت گردی دے خلاف جنگ اچ بے پناہ جانی اتے مالی ضیان چاتا،پوری دنیا اچ اگر کوئی ملک دہشت گردی دے خلاف جنگ لڑدا ہے تاں او پاکستان ہے
پاکستان دے ایٹمی ہتھیاراں دے تحفظ تے کوئی سوال ہی کائنی،وقت ثابت کیتا جو ہم ایٹمی ہتھیاراں دے معاملے تے بہوں ذمے وار ہوں
کشمیر اچ ظلم توں توجہ ہٹاونر سانگے بھارت ایل او سی تے جارحیت کریندا ہے ،کشمیریاں دے حق خود ارادیت دی حمایت جاری رکھیسوں ،پاک سر زمین افغانستان دے خلاف استعمال کائنی تھیندی پئی
نیویارک ۔ 21 ستمبر (اے پی پی) وزیراعظم شاہد خاقان عباسی آکھیا ہے جو پاکستان اچ دہشت گردی دے خلاف ساریں توں وڈی تے خطر جنگ لڑی گی ،دہشت گردی دے خلاف اے جنگ پاکستان اپنڑے وسائل نال لڑی ہے۔اساںدہشت گردی دے خلاف جنگ اچ بے پناہ جانی اتے مالی ضیان چاتا،پوری دنیا اچ اگر کوئی ملک دہشت گردی دے خلاف جنگ لڑدا ہے تاں او پاکستان ہے ۔ دہشت گردی دے خلاف جنگ دے حق اچ ہوں ۔پاکستان دے ایٹمی ہتھیاراں دے تحفظ تے کوئی سوال ہی کائنی،وقت ثابت کیتا ہے جو اساں ایٹمی ہتھیاراں دے معاملے تے بہوں ذمے وار ہوں ،بھارت کنڑول لائن تے جارحیت کریندا ہے ،کشمیر اچ ظلم توں توجہ ہٹاونڑ سانگے بھارت ایل او سی تے جارحیت کریندا ہے ،کشمیریاں دے حق خود ارادیت دی حمایت جاری رکھیسوں ۔خطے اچ بھارتی بالاد ستی قبول کائنی ،پاک سر زمین افغانستان دے خلاف استعمال کائنی تھیندی پئی ۔انہاں خیالاں دا اظہار انہاں نیو یارک اچ کونسل آف فارن رلیشن اچ گالھ مہاڑ دے دوران مختلف سوالاں دا جواب ڈیندے ہوئیں کیتا ۔وزیراعظم شاہد خاقان عباسی آکھیا جو پاک افغان سرحد تے سیکورٹی نہ ہوونڑ پاروں منشیات فروش فائدہ چیندے پے ہن ،پاک افغان بارڈر کوں منیج کرنڑ دی ضرورت ہے ۔انہاں آکھیا جو پاکستان دہشت گردی دے خلاف ودھ سارا ضیان چاتا ہے ۔ہک سوال دے جواب اچ وزراعظم آکھیا جو اساں نی سمجھدے جو افغانستان اچ بھارت دا کوئی کردار ہے ۔افغانستان اچ امن سانگے ہر طرح دی گالھ سانگے تیارہوں ۔پاکستان اچ حقانی نیٹ ورک دے حوالے نال وزیراعظم آکھیا جو پاکستان اچ حقانی یا ایجھے کہیں نیٹ ورک دا کوئی وجود کائنی ۔وزیراعظم سی پیک بارے سوال دے جواب اچ آکھیا جو سی پیک اقتصادی ترقی دا اہم حصہ ہے ۔پاک امریکہ تعلقات دے سلسلے اچ سوال دے جواب اچ وزیرا عظم آکھیا جو پاک امریکہ تعلقات اچ کوئی رکاوٹ کائنی ۔پاک امریکہ تعلقات 70سال تے محیط ہن ۔اساکوں مالی امداد نی عالمی مارکیٹ تئیں رسائی چاہیدی ہے ۔ہک سوال دے جواب اچ وزیراعظم آکھیا جو پاکستان اچ وزیراعظم کوئی وی فیصلہ کلہیں نی کر سگدا ۔سارے فیصلے مشورے نال تھیندے ہن ۔پاکستانی آئین اچ وزیراعظم دا کردار واضح ہے ۔ایٹمی اثاثیں دے تحفظ برے سوال تے وزیراعظم آکھیا جو ایٹمی اثاثیں کوں مضبوط کنڑول اینڈ کمانڈ سسٹم رکھیندوں ۔پاکستان دے ایٹمی ہتھیاراں تے کوئی سوال ہی کائنی ۔ اسامہ بن لادن بارے سوال دے جواب اچ وزیراعظم آکھیا جو اساں ڈے اسامہ بن لادن دی اتھاں موجودگی دی کوئی وی معلومات کائناں ہئی ۔خواہش وی اسامہ بن لادن سانگے ایکشن توں پہلے اعتماد اچ گھدا ویندا ہے ۔انہاں آکھیا جو پاکستان اچ دہشت گردی دے خلاف ساریں توں وڈی تے خطر ناک جنگ لڑی گی تے پاکستان دہشت گردی دے خلاف اے جنگ اپنڑے وسائل نال لڑدا ہے ۔
