وزیراعظم شاہد خاقان عباسی نال ایف پی ایس سی دے چیئرمین نوید اکرم چیمہ دی ملاقات وزیراعظم کوں ادارے دی کاکردگی بارے ڈسایا

شفاف اتے میرٹ تے مبنی بھرتیاں دے عمل اچ فیڈرل پبلک سروس کمیشن اہم کردار دا حامل ہے، وزیراعظم شاہد خاقان عباسی
اسلام آباد ۔ 7 ستمبر (اے پی پی) وزیراعظم شاہد خاقان عباسی شفاف اتے میرٹ تے مبنی بھرتیاں دے عمل تے زور ڈیندے ہوئیں آکھیا ہے جو ایں ضمن اچ فیڈرل پبلک سروس کمیشن (ایف پی ایس سی) اہم کردار دا حامل ہے۔ انہاں اے گالھ ایف پی ایس سی دے چیئرمین نوید اکرم چیمہ نال گالھ مہاڑ کریندے ہوئیں آکھی جنہاں خمیس کوں وزیراعظم آفس اچ انہاں نال ملاقات کیتی ۔ چیئرمین ایف پی ایس سی وزیراعظم کوں ادارے دی کارکردگی بارے ڈسایا ۔ وزیراعظم شاہد خاقان عباسی پبلک سروس سانگے باصلاحیت اتے اہل افراد دے انتخاب اچ ایف پی ایس سی دے اہم کردار کوں سراہیا ۔