پاکستان جنرل الیکٹرک کمپنی دی مہارت توں بہوں فائدہ حاصل کریندا پے ‘ غیر ملکی کمپنیاں دے پاکستان اچ سرمایہ کاری سانگے دروازے کھلے ہن‘ وزیراعظم شاہد خاقان عباسی
نیویارک ۔ 19 ستمبر (اے پی پی) وزیراعظم شاہد خاقان عباسی نال جنرل الیکٹرک دے نائب صدر جان رائس اتھاں نیویارک اچ ملاقات کیتی۔ جان رائس آکھیا جوپاکستان جنرل الیکٹرک سانگے ہک اہم مارکیٹ ہے ۔ نائب صدر آکھیا جو اساں پاکستان اچ اپنڑے کاروبار کوں ودھاونڑ سانگے پر عزم ہوں ۔جان رائس آکھیا جو پاکتان لوکو موٹو تے صحت دے شعبے اچ سرمایہ کاری چاہندوں ۔ وزیراعظم شاہد خاقان عباسی جنرل الیکٹرک دی پاکستان نال وابستگی دی تعریف کریندے ہوئیں آکھیا جو پاکستان جنرل الیکٹرک کمپنی دی مہارت نال بہوں فائدہ حاصل کریندا پیا ہے ۔وزیراعظم آکھیا جوغیر ملکی کمپنیاں سانگے پاکستان اچ سرمایہ کاری کیتے دروازے کھلے ہن ۔وزیراعظم شاہد خاقان عباسی آکھیا جو مزید امریکی کمپنیاں کوں پاکستان اچ مختلف شعبے اچ سرمایہ کاری سانگے خوش آمدید آکھسوں ۔
