چشمہ ۔ 8 ستمبر (اے پی پی) وزیراعظم شاہد خاقان عباسی جمعے کوں340 میگاواٹ بجلی پیدا کرنڑ دی صلاحیت دے حامل 5ویں جوہری بجلی گھر سی۔فور دا افتتاح کرڈتا۔ پاکستان ایٹمی توانائی کمیشن جوہری ٹیکنالوجی دے پرامن مقصد سانگے استعمال دے اپنڑے وژن تے عمل پیرا ہے تے چشمہ پاور پلانٹ سی فو دی فعالیت دے نال ہک بیا سنگ میل پار کیتا ۔اے منصوبہ آزمائشی بنیاداں تے فعال تھیسی جیں دے دوران فنکشنل تے سیفٹی توںمتعلق ٹیسٹ پوری صلاحیت دے نال کیتے ویسن ۔ اے منصوبہ پاکستان اٹامک انرجی کمیشن اتے دوست ملک چین دی سانجھی کاوش نال توڑ پجا ہے ۔ چشمہ فور نال حاصل تھیونڑ آلی بجلی نیشنل پاور گرڈ کو ںسپلائی کیتی ویسی ، ایندے توں پہلے چشمہ نیوکلیئر پاور پراجیکٹ دے یونٹس سی۔ون، سی۔ٹو اتے سی۔تھری کامیابی نال نیشنل گرڈ کوں 2000ئ، 2011ءاتے 2016توں کامیابی نال بجلی فراہم کریندے پن۔ ترائے ں نیوکلیئر پاور پلانٹس چینی ٹیکنالوجی دے حامل ہن تے ہنڑ انہاں دی کارکردگی بہوں چنگی رہی ہے ، انہاں توں 950 میگا واٹ توں ودھ بجلی نیشنل گرڈ کو ں ڈتی ویندی پئی ہے ، سی۔فور پاور پلانٹ دے افتتاح نال بجلی دی پیداواری صلاحیت اچ مزید ودھارا تھیسی جڈاں جو کے۔ٹو اور کے۔تھری ڈو وڈے نیوکلیئر پاور پلانٹس کراچی دے نیڑے زیر تعمیر ہن جیرھا جو متوقع طور تے 2020تے2021اچ اپریشنل تھی ویسن جیں نال نیشنل گرڈ کوں 2200میگاواٹ بجلی حاصل تھیسی ۔
