وزیر اعظم شاہد خاقان عباسی دا پاک فضائیہ دی آپریشنل ایئر بیس سرگودھا دا دورہ

پاک فضائیہ دے سربراہ ایئر چیف مارشل سہیل امان نے وزیر اعظم دا استقبال کیتا، وزیر اعظم نے ایف 16 طیارے دے تربیتی فضائی مشن اچ وی حصہ گھدا
وزیر اعظم نے مادر وطن دے دفاع سانگے جواناں دے جذبے کوں سراہا اتے آپریشنل تیاریاں تے اطمینان دا اظہار کیتا
اسلام آباد ۔ 9 ستمبر (اے پی پی) وزیر اعظم شاہد خاقان عباسی نے ہفتہ کوں پاک فضائیہ دی آپریشنل ایئر بیس سرگودھا دا دورہ کیتا۔ پاک فضائیہ دے سربراہ ایئر چیف مارشل سہیل امان نے وزیر اعظم دا استقبال کیتا۔ وزیر اعظم نے نویں قائم کیتے گئے ایئر پاور سینٹر آف ایکسیلینس(اے سی ای) دا وی دورہ کیتا۔ وزیر اعظم شاہد خاقان عباسی نے ایف۔16طیارہ دے تربیتی فضائی مشن اچ و حصہ گھدا جڈاں جو ایئر چیف مارشل سہیل امان نے وی ڈوجھے ایف۔16طیارے دے ذریعے فضائی مشن اچ حصہ گھدا۔ پاکستان دی تاریخ اچ کہیں وزیر اعظم دا فضائی مشن اچ حصہ گھنن دا پہلا موقع ہے۔ مشن توں واپسی تے وزیر اعظم نے فضائی اتے زمینی عملے نال تبادلہ خیال کریندے ہوئے مادر وطن دے دفاع کیتے جواناں دے جذبے کوں سراہا تےآپریشنل تیاریاں تے اطمینان دا اظہار کیتا۔ قبل ازیں وزیر اعظم کو ںپاک فضائیہ دی آپریشنل تیاریاں دے نال نال دیگر خدمات دے بارے اچ وی بریفنگ ڈتی گئی۔ وزیر اعظم کو ںآگاہ کیتاگیا جو اے سی ای ایک مثالی ادارہ ہے جوجدید ترین سہولتوں اتے انفراسٹرکچر توں لیس اے۔ پی اے ایف جواناں کوں تربیت ڈیونڑ دے علاوہ ایں ادارے اچ دوست ملکاں دی ایئر فورسز دے جنگی عملے کوں تربیت ڈتی ویسے۔ وزیر اعظم کوں ڈسایا گیا جو پاکستان دی پہلی کثیر الملکی فضائی مشقیں رواں سال اکتوبر اچ تھیسے ، انہاں مشقاں اچ 19ملکاں دی فضائیفوجاں حصہ گھنسن۔ وزیر اعظم کوں قدرتی آفات نال نبڑن ، امدادی سرگرمیاں اتے تعلیم و صحت تے شعبیاںاچ پاک فضائیہ دی خدمات دے بارے اچ وی آگاہ کیتا گیا۔ پی اے ایف نے نوجواناں کیتے روز گار دے مواقع دے حصول دی غرض نال ملک بھر اچ مختلف پیشہ وارانہ ادارے قائم کیتے ہن،ا یندے علاوہ معیاری تعلیم دی فراہمی کیتے ایئر یونیورسٹی اتے فضائی میڈیکل کالج قائم کیتن۔ وزیر اعظم نے ایوی ایشن سٹی پراجیکٹ اچ گہری دلچسپی دا اظہار کیتا جو کامرہ اچ قائم کیتا گیا اے۔ وزیر اعظم نے ملک دی فضائی حدود دے دفاع اچ پاکستان ایئر فورس دے اہم کردار کو سرہندے ہوئےں دہشتگردی دی لعنت دے خلاف جنگ اچ ایندے کردار دی تعریف کیتی۔