اسلام آباد ۔ 13 ستمبر (اے پی پی) وزیر اعظم شاہد خاقان عباسی آکھیا جو اجوکی حکومت عشریاں توں پھتے اہم منصوبیاں دی تکمیل کوں وی یقینی بنڑائے،ارکان پارلیمان ترقی اتے فلاحی منصوبیاں دی ویلھے تے تکمیل کوں یقینی بنڑاونڑ سانگے ساری کوششاں کریسی،کوئی علاقہ یا حلقہ ترقی تے خوشحالی دے سفر اچ پچھوں کائنا رہسی۔اے گالھ انہاں سرگودھا ڈویژن توں تعلق رکھنڑ آلے مسلم لیگ (ن) دے ارکان قومی اسمبلی دے وفد نال گالھ مہاڑکریندیں ہوئیں آکھی جنہاں وزیراعظم آفس اچ ملاقات کیتی۔وزیراعظم ارکان پارلیمنٹ تے زور ڈتا جو او عوامی مسلے کوں ترجیحی بنیاداں تے حل کرنڑ سانگے عوام نال آپنڑے رابطے کوں ودھاون اتے ایں بارے بھرپور کوششاں کرن ۔
