اسلام آباد۔ 18 ستمبر (اے پی پی) وزیر مملکت اطلاعات ، نشریات و قومی ورثہ مریم اورنگزیب آکھیا جو فضا کوں آلودگی توں پاک بنڑاونڑ جمہوری حکومت دی پہلی ترجیح اے اتے ماحول دے تحفظ دے ادارے موسمیاتی تبدیلی،غیر سرکاری تنظیماں اتے سول سوسائٹی دے تحت اے مقصد حال کرنڑ اچ متحرک کردار نبھا سگدن۔وزیر مملکت اے گالھیں سنوار کوں صاف فضا دے ماحول دے چیلنجز اچ پارلیمنٹ دے کردار تے مشاورتی گول میز کانفرنس نال خطاب کریندیں ہوئیں آکھی۔انہاں آکھیا جو اے مسئلہ بہتر قنون سازی دے طریقہ کار دا متقاضی اے جئیں سارے متعلقہ سٹیک ہولڈرز نال مشورے کر تے حاصل کیتا ونج سگدے اتے موسمیاتی تبدیلی دے خطریاں نال نبڑنڑ اتے فضائی آلودگی دی روک تھام سانگے موثر قنون سازی کیتی ونج سگدی اے۔
