اسلام آباد ۔ 6 ستمبر (اے پی پی) وفاقی وزیر دفاعی پیداوار رانا تنویر حسین پولینڈ اچ 25ویں بین الاقوامی دفاعی صنعتی نمائش دی افتتاحی تقریب اچ شرکت کیتی۔ دورہ پولینڈ دے دوران وفاقی وزیر رانا تنویر حسین پولینڈ دے قومی دفاع دے وزیر انتھونی میکرواز نال وی ملاقات کیتی ۔ ترجمان وزارت دفاعی پیداوارا دے مطابق وفاقی وزیر پولینڈ دے ہم منصب نال ملاقات دے دوران سانجھی دلچسپی دے امور تے دفاعی پیداوار دے شعبے اچ ڈو پاسے تعاون تے وی گالھ مہاڑ کیتی ۔ڈوہیں ملکاں دے وزیراں ڈوہیں ملکاں وچال چنگے تعلقات کوں سرہیندے ہوئیں اتفاق کیتا جو بئے دلچسپی دے شعبے اچ وی تعاون ودھایا ویسی
