اسلام آباد ۔ 9 ستمبر (اے پی پی) پاکستان اچ تعینات میانمر دے سفیر یو ون منٹ کوں ہفتہ کوں دفتر خارجہ طلب کر تے حکومت اتے پاکستانی عوام دی طرفوںروہنگیا مسلماناں دیخلاف جاری تشدد تے شدید احتجاج کیتا گیا۔دفتر خارجہ دے ترجمان دے مطابق سیکرٹری خارجہ تہمینہ جنجوعہ نے میانمر دے سفیر یو ون منٹ کوں طلب کیتا اتے روہنگیا مسلماناں دیخلاف تشدددی روک تھام کیتے موثر اقدامات چاونڑ ،سیکورٹی فراہم کرنڑ اتے انہاں کوں کہیں ڈر اتے امتیازی سلوک دے آذادانہ گھومنڑ پھرنڑ دے حقوق ڈیونڑ تے زور ڈتا۔سیکرٹری خارجہ نے میانمر دی حکومت کوں آکھیا جو او روہنگیا مسلماناں دیخلاف حالیہ تشدددکی فوری تحقیقات کرے اتے انسانیت سوز جرائم اچ ملوث افراد کوں انصاف دے کٹہرے اچ لا کھڑا کیتا ونجے۔مسئلے دے پائیدارحل دی غرض نال کوفی عنان کمیشن دی سفارشات تے عملدرآمدتے وی زورڈتا گیا۔انہاں سفارشاں اچ تشدد کی فوری روک تھام،امن دا قیام،مصالحت،انسانی ہمدردی دی بنیاد تے امداد تک رسائی اتے شہریت دے مسلے دا حل شامل ہن۔میانمر دے سفیر یو ون منٹ نے سیکرٹری خارجہ کوں یقین دہانی کرائی جو اوحکومت اتے پاکستانی عوام دے تحفظات نال میانمر دی حکومت کوںڈسیسے۔
