اسلام آباد ۔ 11 ستمبر (اے پی پی) پارلیمانی کمیٹی سی پیک دے چیئرمین سینیٹر مشاہد حسین سید آکھیا ہے جو پاکستان دہشت گردی دے خلاف جنگ اچ بہوں ساریاں قربانیاں ڈتیاں ہن تے خطے توں دہشت گردی دے خاتمے سانگے پکیاں بنیاداں تے وی معاونت جاری ہے ۔برکس ولوں جاری اعلامیے ہرگز پاکستان دے خلاف کائنی کیوں جو پاکستان خود دہشت گرد ی دا شکار ہے ۔انہاں خیالاں داا ظہار انہاں اے پی پی کوں ڈتے گے خصوصی انٹرا یوا چ کیتا ۔انہاں آکھیا جو 5ابھر دیاں ہویاں معیشتاں دی تنظیم برکس دے اجوکے سربراہی اجلاس اچ جاری تھیونڑ آلے اعلامیے اچ علاقے اچ موجود عسکریت پسند گروپ دے حوالے نال تحفظات دااظہار کیتا گیا ہے جیں دا پاکستان نال کوئی وی تعلق کائنی ۔انہاں آکھیا جو اقوام متحدہ دی سیکورٹی کونسل انہاں عسکریت پسند گروپاں کوں دہشت گرد قرار ڈتا ہے تے پاکستان ویندی ودھ ساری حمایت کریندے ۔انہاں آکھیا جو پاکستان دی چین نال پکی یاری ہے تے بھارت ولوں ایندی دوستی تے اثر انداز تھیونڑ دا امکان کائنی۔
