پاکستان کشمیریاں دی اخلاقی حمایت جاری رکھیسی ،وزیر امور کشمیر برجیس طاہر

اسلام آباد ۔ 5 ستمبر (اے پی پی) وزیر امور کشمیر برجیس طاہر آکھیا ہے جو پاکستان مقبوضہ کشمیر دے لوکاں دے نال کھڑا ہے انہاں دی حمایت جاری رکھیسی ۔ریڈیو پاکستان نال گالھ مہاڑ کریندے ہوئیں انہاں آکھیا جو بین الاقوامی برادری مقبوضہ کشمیر دے حوالے نال پاکستان دے موقف کوں من گھدا ہے تے کشمیریاں دے حق خود مختاری کوں من گھندے ہوئیں انہاں کوں آزادی ڈتی ونجے ۔انہاں آکھیا جو بھارت مقبوضہ کشمیر اچ نہتے کشمیریاں تے ظلم کریندا پیا ہے انہاں کوں چاہیدا ہے جو او ریاستی دہشت گردی کوں وختی بند کرے ۔ہک سوال دے جواب اچ انہاں آکھیا جو پاکستان دے عوام امریکی صدر ٹرمپ دے کوڑے الزماں کوں مسترد کر ڈتا ہے ۔