اسلام آباد۔ 11 ستمبر (اے پی پی) پاک آسٹریا ڈو پاسہ سیاسی مشاورت دا تریجھا دور اسلام آباد اچ منعقد تھیا۔پاکستان ولوں ایڈیشنل سیکریٹری (یورپ) سفیر ظہیر اے جنجوعہ جڈانجو آسٹریاولوں ہیڈ آف ایشیا، آسٹریلیا اتے اوشنیا ڈویڑن، وزارت برائے یورپ، ہم آہنگی و خارجہ امور، سفیر گیبریلا موئین شرز آپنڑے آپنڑے ملک دی قیادت کیتی۔وزارت خارجہ ولوں جاری بیان دے مطابق ڈوہیں پاسیں ڈو پاسہ تعلقات دے وسیع تر معاملیاں دا جائزہ گھدا،تجارت تے معیشت،سرمایہ کاری،ثقافت،تعلیم،سائنس تے ٹیکنالوجی،دفاع تے پارلیمانی تبادلیاں دے شعبے اچ تعاون کوں بئیا تقویت ڈیونڑ دے موقع اتے امکانات دی نشاندہی کیتی گئی،ڈوہیں پاسوں آپنڑے آپنڑے خطاں اچ امن تے سلامتی دی ابھردی ہوئی صورتحال تے گالھ مہاڑ تھئی ۔
