اسلام آباد ۔ 27 ستمبر (اے پی پی) پاک فضائیہ دے سربراہ ائیر چیف مارشل سہیل امان نال ازبکستان دے وزیر دفاع میجر جنرل عبدالسلام عزیزوف اتے نائب وزیر دفاع میجر جنرل اے برہانوف وزارتِ دفاع (تاشقند) اچ ملاقات کیتی ۔ پاک فضائیہ ولوں جاری بیان دے مطابق آپسی دلچسی دے معاملے،خطے دے حالات بشمول افغانستان دی ابتر صورتحال اتے اوندی ہمسایہ ملکاں تے اثرات بارے گالھ مہاڑ کیتی گئی۔ازبک قیادت دی پاک فضائیہ دے دہشت گردی دے خلاف جنگ اچ بھرپور کرداردی تعریف ، ہک ڈوجھے دے تجربیاں توں فائدہ چاونڑؑ دی خواہش دا اظہار کیتا۔
