اسلام آباد ۔ 5 ستمبر (اے پی پی) پولینڈ اچ چارڈینھ دی عالمی دفاعی صنعتی نمائش شروع تھی گی ہے۔ وفاقی وزیر دفاعی پیداروار رانا تنویر حسین نمائش اچ پاکستان دی نمائندگی کر یندے پن۔ پولینڈ اچ 25 ویں بین الاقوامی دفاعی صنعتی نمائش منگل توں باقاعدہ شروع تھی گی ہے اے نمائش 8ستمبر تئیں جاری رہ ویسی۔ گذریل 24 سال توں پولینڈ دی دفاعی صنعتی نمائش عالمی دفاعی صنعت سانگے خصوصی دلچسپی دا مرکز ہے۔ پولینڈ دے قومی دفاع دے وزیر دی دعوت تے گذریل ڈینھ وفاقی وزیر دفاعی پیداوار رانا تنویر حسین پولینڈ پجے ہن۔ وفاقی وزیر عالمی دفاعی صنعتی نمائش اچ شرکت دے علاوہ اتھاں غیر ملکی مندوبین نال وی ملاقاتاں کریسن۔
