کابل اچ اجوکے حملے اچ پاکستان نال کہیں دے ملوث ہوونڑ دے امکان دے حوالے نال وزیراعظم نال منسوب بیان قطعی بے بنیاد ہے ،ترجما ن

اسلام آباد ۔ 18 ستمبر (اے پی پی) وزیراعظم دے ترجمان آکھیا ہے جو کابل اچ اجوکے حملے اچ پاکستان توں کہیں دے ملوث ہوونڑ دے امکان دے حوالے نال پرنٹ میڈیا دے ہک حصے اچ وزیراعظم نال منسوب شائع تھیونڑ آلی خبر دی پر زور تردید کیتی ہے ۔سنوار کوں جاری بیان دے مطابق وزیراعظم نال منسوب بیان قطعی بے بنیاد ہے تے ایں ضمن اچ کہیں صحافی دے نال گالھ مہاڑ کائنی تھی ۔ترجمان آکھیا جو ایندے بر عکس وزیراعظم کئی واری آکھیا ہے جو پاکستان اچ حملے سرحد پار توں کیتے ویندے پے ہن ۔ترجمان متعلقہ پرنٹ میڈیا کوں مشورہ ڈتا جو او رپورٹنگ توں پہلے دے اجزاءدا احتیاط نال جائز ہ گھنے ۔