اسلام آباد ۔ 12ستمبر (اے پی پی) وفاقی وزیر بین الصوبائی رابطہ میاں ریاض حسین پیرزادآکھیا ہے جو کھیڈاں دے ولا آغاز اچ شہیدا ں دا خون شامل ہے ،آرمی چیف تے نجم سیٹھی ایں حوالے نال بہوں وڈا کردار ادا کیتا ہے ،ہنڑ اساکوں آزاد خارجہ پالیسی بنڑاونڑیں ہوسی ،وزیر اعظم آزاد خارجہ پالیسی دے حق اچ ہن ۔منگل کوں پارلیمنٹ ہاﺅس دے باہروں میڈیا نال گالھ مہاڑ کریندے ہوئیں انہاں آکھیا جو دنیا اچ کہیں فوج دہشت گرداں دے خلاف اتنا ودھ سارا اپریشن کائنی کیتا جتنا اساڈی آرمڈ فورسز اکیتا ہے ،ایں حوالے نال جتنا کردار پاکستان ادا کیتا ہے اتنا کہیں ڈوجھے ملک کائنی کیتا ۔دہشت گردی دے خلاف جنگ اچ 70ہزار توں ودھ لوک شہید تھے ۔کرکٹ یونٹ دے ولا آغاز تے شہیداں دا خون شامل ہے ۔کھیڈاں دے ولا آغاز تے پاکستان بہوں قربانیاں ڈتیاں ہن وفاقی وزیر آکھیا جو کھیڈاں دے ولا آغاز اچ آرمی چیف تے کرکٹ بورڈ دے چیئر مین نجم سیٹھی دا بہوں وڈا کردار ہے ۔انہاں آکھیا جو ایں حوالے نال حکومت پاکستان تے عوام وی مبارخ دے مستحق ہن ۔
