ہنڑ عوام شریف خاندان دی نظر ثانی دیاں درخواستاں تے فیصلہ ڈیسن ،این اے 120دا ضمنی الیکشن نواز شریف دے حق اچ عوامی ریفرنڈم ہوسی ،ڈاکٹر آصف کرمانی

اسلام آباد ۔ 15 ستمبر (اے پی پی) پاکستان مسلم لیگ (ن)دے ترجمان سینیٹر ڈاکٹر آصف کرمانی آکھیا ہے جو ہنڑ عوام شریف خاندان دی نظر ثانی دیاں درخواستاں تے فیصلہ ڈیسن۔سابق وزیراعظم نواز شریف تے عوام کوں ہک ڈوجھے توں انجھ نی کیتا ونج سگدا ۔این اے 120دا ضمنی الیکشن نواز شریف دے حق اچ عوامی ریفرنڈ م ہوسی ۔جمعے کوں جاری بیان دے مطابق ڈاکٹر آصف کرمانی آکھیا جو این اے 120دا نتیجہ آندی ملکی سیاست دا رخ متعین کریسی ۔انہاں آکھیا جو این اے 120اچ ہر گھر اچ شیر نظر آندا پے ۔انہاں آکھیا جو عمران خان آئین تے قانون دیاں دھجیاں تاں اڈیندے ہن مگر ایندے تے کوئی ایکشن کائنی گھدا ویندا ۔