اسلام آباد ۔ 6 ستمبر (اے پی پی)52 ویں یوم دفاعدا آغاز نماز فجر دے بعد مسیتاں اچ ملکی سلامتی ، ترقی تے خوشحالی سانگے خصوصی دعاواں اتے وفاقی دارالحکومت اچ 31، صوبائی دارالحکومتاں اچ 21، 21 توپاں دی سلامی نال کیتا گیا ۔ یوم دفاع دے دن 6 ستمبر 1965ءکوں افواج پاکستان دے بہادر سپوتاں دشمن کوں کاری ضرب لا تے منہ بھن جواب ڈیندے ہوئیں ثابت کر ڈتا جو پاک فوج وطن دے دفاع سانگے کہیں وی قربانی توں پرے کائنی تھیسی ۔ یوم دفاع دے موقع تے پاک فضائیہ ولوں نور خان ائیربیس راولپنڈی تے پاک فضائیہ دے ائیر کرافٹ دی نمائش جڈاں جو ملک اچ سارے کنٹو منٹس دے نال مختلف شہراں اچ پر وقار تقریب دا اہمتام کیتا گیا ۔یوم دفاع دی مناسبت نال 6ستمبر 1965دی جنگ اچ شہادت پاونڑ آلے شہیداں میجر شبیر شریف شہید (نشان حیدر)، میجر عزیز بھٹی شہید ( نشان حیدر) سمیت تے بئے شہیداں دیاں آخری آرام گاہیں تے وی خصوصی تقریباں دا انعقاد کیتا گیا ۔
