مسلم لیگ (ن) دی حکومت گلگت بلتستان دی ترقی اتے عوام دی فلاح تے بہبود سانگے پرعزم ہے، پاک چین اقتصادی راہدری نال علاقے کوں ودھ سارا فائدہ تھیسی
سکردو ۔ 25 اکتوبر (اے پی پی) وزیراعظم شاہد خاقان عباسی آکھیا ہے جو مسلم لیگ (ن) دی حکومت گلگت بلتستان دی ترقی اتے عوام دی فلاح تے بہبود سانگے پرعزم ہے،گلگت بلتستان اچ جمہوری اقدار تے جمہوریت دا احسن انداز اچ تسلسل خوش آئندہ ہے ،پاک چین اقتصادی راہداری نال علاقے کوں ودھ سارافائدہ تھیسی ۔انہاں اے گالھ اتھاں بدھ کوں گلگت بلتستان کونسل دے 11ویں بجٹ اجلاس دی صدارت کریندے ہوئیں آکھی ۔اجلاس اچ گورنر گلگت بلتستان کونسل دے وائس چیئر مین گورنر میر غضنفر علی خان وزیر اعلیٰ گلگت بلتستان حفیط الرحمن، گلگت بلتستان کونسل دے ارکان ، اتے وفاقی وزیر امور کشمیر تے گلگت بلتستان چوہدری برجیس طاہر شرکت کیتی۔ وزیر اعظم آکھیا جو گلگت بلتستان اچ جمہوریت دا تسلسل اتے پر امن انتقال اقتدارنہایت خوش آئند امر ہے ۔ انہاں ایں امر تے زور ڈتا جو گلگت بلتستان کونسل دے اجلاس تسلسل نال تھیونڑیں چاہیدے ہن ۔ مسلم لیگ (ن) دی حکومت عوام دی فلاح و بہبود اتے ملک دی ترقی کوں پہلی ترجیح ڈیندی ہے۔اساڈی حکومت نہ صرف منصوبے شروع بلکہ انہاں دی پوری حمایت وی کریندی ہے ، پاکستان مسلم لیگ (ن) دی حکومت علاقے دی سماجی اتے معاشی ترقی سانگے حقیقی معنے اچ کم کیتا ۔ وزیر اعظم گلگت بلتستان دے حوالے نال آکھیا جو علاقے اچ ودھ ساری صلاحیت موجود ہے، ایںعلاقے اچ کاروباری سرگرمیاں اتے سیاحت دے ودھ سارے موقع موجود ہن ۔ایندے توں پہلے وزیر اعظم جڈاں سکردو ایئرپورٹ پجے تاں گورنر میر غضنفر علی خان ، وزیر اعلیٰ حفیظ الرحمن، کونسل دے ارکان تے اعلیٰ حکام انہاں دا استقبال کیتا ۔