وزیر مملکت اطلاعات ونشریات مریم اورنگزیب دا بیان

اسلام آباد ۔ 08 اکتوبر (اے پی پی) وزیر مملکت اطلاعات ونشریات مریم اورنگزیب آکھیا جو عمران خان خود ایمپائر دی انگلی دی کٹھ پتلی ہن ایں سانگے انہاں کوں پاکستان دا ہر بندہ کٹھ پتلی نظر امدے،اداریاں دے احترام دی گالھ عمران خان کوں زیب نی ڈیندی،پہلے عدالت اچ پیش تھی کراہیں آپنڑاں اشتہاری دا سٹیٹس ختم کراون،عمران خان نفسیاتی مریض ہن ،انہاں کوں صرف پی ٹی آئی اچ رلنڑ آلے بندے صادق اتے امین نظر امدن ،پاکستان اچ بد تمیزی،بدتہذیبی اتے بداخلاقی دے منفی روےے کھنڈاونڑ آلا کیڑھے منہ نال اخلاقیات دا درس ڈیندے،پائی پائی دا حساب ڈیونڑ آلیاں تے او الزام لیندے اتے خود چندے دا حساب ڈیونڑ کوں تیار کائنی ،محمد نواز شریف تعمیر اتے مخالفین تخریب دے ایجنڈے تے گامزن ہن ۔اتوار کوں اتھوں ہک بیان اچ انہاں آکھیا جو 2018ءدے انتخابات اچ پاکستان دی عوام عمران خان تو ں اوندے کیتے دا حساب گھنسن۔