اسلام آباد ۔ 02 اکتوبر (اے پی پی) دفتر خارجہ دے ترجمان آکھیا ہے جو پاکستان عراق دی یکجہتی ، خودمختاری اتے علاقائی سالمیت دی پوری حمایت کریندا ہے، پاکستان کوں 25ستمبر 2017ءکو ںعراقی کردستان دے علاقے اچ منعقدہ ریفرنڈم تے ودھ ساری تشویش ہے ۔ سنوار کوں میڈیا دے استفسار دے جواب اچ ترجمان آکھیا جو اے ریفرنڈم عراقی آئین دی خلاف ورزی ہے ۔ایں سانگے ایندی کوئی قانونی حیثیت کائنی ۔ترجمان آکھیا جو ایندے عراق تے پورے خطے دے امن تے سلامتی کوں خطرہ درپیش ہے ۔پاکستان بین الاقوامی براداری دے نال ایں ریفرنڈم دی مخالفت اچ عراق تے ایندے ہمسایہ ملکاں دے نال ہے ۔انہاں آکھیا جو اساں عراق دی حکومت تے تے ایندی عوام دی پوری حمایت دا اعادہ کریندوں تے اساکوں عراق یا خطے دے کہیں وی ڈوجھے ملک علاقائی سالمیت کوں ضیان پجاونڑ آلی کوشش تے ودھ ساری تشویش ہے ۔