اقوام متحدہ مسلماناں دے حقوق دے تحفظ اچ ناکام رہیا، پاکستان بھارت کوں خطے اچ پولیس مین تسلیم کائناں کریسی ، چیئرمین سینٹ

اسلام آباد ۔ 27 اکتوبر (اے پی پی) چیئرمین سینٹ میاں رضا ربانی آکھیا ہے جو پاکستان بھارت کوں خطے اچ پولیس مین تسلیم کائناں کریسی، اقوام متحدہ مسلماناں دے حقوق دے تحفظ اچ ناکام رہیا ہے، ایندی قرارداداں تے انحصار کرنڑ ہنڑ چھوڑ ڈیونڑاں چاہیدا ہے ۔ جمعے کوں ایوان بالا اچ 27 اکتوبر 1947ءکوں جموں و کشمیر تے بھارتی قبضے دے خلاف یوم سیاہ دے حوالے نال چیئرمین سینٹ میاں رضا ربانی آکھیا جو بھارت اتے امریکا دا گٹھ جوڑ سامنڑے آگیا ہے جو بھارت کوں پاکستان کڈاہیں وی پولیس مین تسلیم کائناں کریسی ،بھارت تے امریکہ دے گھٹ جوڑ دا کشمیریاں دی اپنڑی شروع کیتی ہوئی حق خود ارادایت سانگے جدوجہد تے اثر پے سگدا ہے ۔