الیکشن کمیشن تحریک انصاف دے فارن فنڈنگ کیس دی سماعت 21نومبر تئیں ملتوی کر ڈتی

اسلام آباد ۔ 16 اکتوبر (اے پی پی) الیکشن کمیشن تحریک انصاف دے فارن فنڈنگ کیس دی سماعت 21نومبر تئیں ملتوی کر ڈتی ہے ۔ الیکشن کمیشن تحریک انصاف دے پارٹی اکاونٹس دی جانچ پڑتال دا فیصلہ کرگھدا ہے ۔الیکشن کمیشن اچ چیف الیکشن کمشنر دی سربراہی اچ4 رکنی بینچ درخواست گزار اکبر ایس بابر ولوں پی ٹی آئی دی غیر ملکی فنڈنگ دے حوالے نال دائر درخواست دی سماعت دا باقاعدہ آغاز کیتا ۔ سماعت دے موقع تے درخواست گزار دے وکیل آکھیا جو تحریک انصاف پارٹی فنڈنگ دی دستاویزات خود تیار کیتیاں ، سپریم کورٹ اچ جمع دستاویزات نال موازنہ کیتاونجے۔ تحریک انصاف دے وکیل موقف اختیار کیتا جو ہائیکورٹ فنڈنگ کیس دی سماعت 5 دسمبر کوں کریسی لہٰذا الیکشن کمیشن اکاونٹس دی تفصیلات داجائزہ گھنے مگر اے تفصیلات درخواست گزار کو ںفراہم نہ کرے۔ ایندے تے چیف الیکشن کمشنر آکھیا جو ہائیکورٹ دے حکم تئیں اکاونٹس دی تفصیلات درخواست گزار کوں فراہم کائناں کریسوں۔درخواست گزار اکبر ایس بابر دے وکیل آکھیا جو انہاں دے ڈے سپریم کورٹ اچ جمع کرائی گئی تفصیل دی کاپی موجود ہے جیں دا کمیشن جائزہ گھن سگدا ہے ۔ درخواست گزار اکبر ایس بابر پی ٹی آئی ریکارڈ متعلق اضافی دستاویزات الیکشن کمیشن اچ جمع کرائیاں ہن جیں دے مطابق پی ٹی آئی دی دستاویزات نامکمل اتے بوگس ہن، کمیشن بوگس اکاونٹس اتے تفصیلات دا جائزہ گھنے۔بعد اچ الیکشن کمیشن کیس دی مزید سماعت 21 نومبر تئیں ملتوی کر ڈتی ہے۔