اسلام آباد ۔ 02 اکتوبر(اے پی پی) وزیرمملکت اطلاعات ونشریات مریم اورنگزیب آکھیا ہے جو امام عالی مقام اتے انہاں دے ساتھی حق تے صداقت اتے اصولاں دی فتح دی علامت ہن، حسین رضی اللہ عنہ دا درس ہے جو ظلم، جبر اتے تکبر دے سامنڑے جھک ونجنڑ توں گردن کٹاونڑ بہتر ہے ۔ اتوار کوںیوم عاشورتے اپنڑے بیان چ انہاں آکھیا جوسچائی مٹاونڑ آلے مٹ گے مگر امام حسین رضی اللہ عنہ اتے انہاں دی آل پاک تے انہاں دے ساتھی اج وی زندہ جاوید ہن ،کربلا گواہ ہے جو سچائی تے اصول جبر دی بنیاد تے کائنی مٹائے ونج سگدے ۔انہاں آکھیا جو امام حسین دیاں لازوال قربانیاں تے اسلام تے مسلماناں دی عظیم میراث ہے تے فکر و عمل حسین دی روشنی اچ اتحاد ،اتفاق تے دانائی نال در پیش چیلنج نال نبڑنڑاں ہوسی ۔وزیر اطلاعات آکھیا جو عشورے دا ڈینھ اساکوں ،اسلام ،ایمان تے سچائی سانگے صبر ،استقامت تے قربانی دی یاد ڈویندا ہے ۔اساکوں اما م عالی مقام دے نقش قدم تے چلدے ہوئیں اپنڑے کردار دا جائزہ گھننڑ دی ضرورت ہے ۔انہاں آکھیا جو اوکھے حالات اچ وی سچ تے ڈتے رہنڑ ہی حسینیت ہے ۔
