بجلی دی فی یونٹ قیمت اچ صرف 48 پیسے دا ودھارا کیتا گیا،وفاقی وزیر شیخ آفتاب احمد

اسلام آباد ۔ 4 اکتوبر (اے پی پی) وفاقی وزیر پارلیمانی امور شیخ آفتاب احمد آکھیا ہے جو بجلی دی فی یونٹ قیمت اچ 48پیسے دا ودھارا کیتا گیا ہے ،حکومت عوام کوں ریلیف ڈیونڑسانگے ہر ممکن کوشش کریندی پئی ہے ،لائن لاسز دی وجہ توں قیمت ودھاونڑیں پئی ۔بدھ کوں قومی اسمبلی اچ ڈاکٹر نفیسہ شاہ‘ سید نوید قمر‘ شازیہ مری‘ میر اعجاز جاکھرانی اتے عمران ظفر لغاری دے توجہ ڈیواﺅ نوٹس تے وفاقی وزیر آکھیا جو ایں گالھ اچ کوئی صداقت کائنی جو حکومت ولوں فی یونٹ ترائے روپے 90پیسے دا ودھارا تھیا ہے ۔حکومت صرف 48پیسے دا ودھارا کیتا ہے ۔انہاں آکھیا جو لائن لاسز ہک وڈا چیلنج ہے ایندے تے وزارت کم کریندی پئی ہے ۔