اسلام آباد ۔ 11 اکتوبر (اے پی پی) پارلیمانی سیکرٹری قومی صحت فرحانہ قمر قومی اسمبلی کو ں ڈسایا گیا بریسٹ کینسر دی تشخیص اتے علاج سانگے انجھ توں 100 بیڈ دے یونٹ دا پی سی ون منظور کرگھدا گیا اہے ،ایں مرض کوں روکنڑ سانگے آگاہی مہم چلائی ویندی پئی ہے۔دیہاتی علاقین اچ ہیلتھ ورکر ز دے ذریعے آگاہی مہم چلائی ویندی پئی ہے ۔بدھ کوں قومی اسمبلی اچ ڈاکٹر فہمیدہ مرزا دے ملک اچ چھاتی دے کینسر دے مریضاں دی تعداد اچ تکھا ودھارا تھیونڑ دی وجہ توں توجہ ڈیواﺅ نوٹس دے جواب اچ پارلیمانی سیکر ٹری قومی صحت فرحانہ قمر ڈسایا جو اساڈے ملک اچ بریسٹ کینسر دا مرض خطے اچ ودھ ہے ۔پاکستان اچ 40سال دی تریمت ایندا شکار تھیندی ہے ۔وزارت ایندی روک تھام سانگے کوشاں ہے ۔ایندی رجسٹریشن تے اینکوں روکنڑ سانگے آگاہی کیتے وزارت کم کریندی پئی ہے ۔پمز اچ ایں حوالے نال یونٹ ہے ۔سو بیڈ دے ہسپتال سانگے پی سی ون بنڑایا گیا ہے ۔ہک سوال دے جواب اچ انہاں ڈسایا جو کینسر دے حوالے نال آگاہی مہم ضرروی ہے ۔ڈاکٹر فوزیہ حمید اتے شیریں مزاری دے سوالاں دے جواب اچ انہاں آکھیا جو ایں بارے اچ شعور دی بیداری سانگے سیمینار کرائے ویندے پن ۔لیڈی ہیلتھ ورکر کوں خصوصی تربیت ڈتی گی ہے ۔سکریننگ دا ترقی یافتہ ملکاں اچ دی طرز دا نظام کائنی ۔ایں بارے اچ سہولتاں دی فراہمی سانگے کوشش کریندے پیوں ۔ڈپٹی سپیکر آکھیا جو صوبیں کوں ایں بارے اچ ہدایات جاری کیتیاں ونجن ۔
