اسلام آباد ۔ 19 اکتوبر (اے پی پی) وزیر اعظم شاہد خاقان عباسی بین المذاہب اتے بین العقیدہ ہم آہنگی دے ودھارے دی اشد ضرورت تے زورڈیندے ہوئیں آکھیا ہے جو حکومت اقلیت دی بہبود تے انہاں دے بنیادی حقوق دے تحفظ سانگے پر عزم ہے ۔انہاں اے گالھ خمیس کوں دیوالی دے موقع تے ہک پیغام اچ آکھی ۔وزیراعظم دیوالی دے تہوار تے ملک تے باہرلے ملک ہندو برادری کوں مبارخ ڈیندے ہوئیں نیک تمنا ظاہر کیتیاں جو رنگاں تے روشنیاں دا اے تہوار ایں ڈینھ کوں مناونڑ آلیں دی زندگی اچ امن تے خوشیاں گھن آوے ۔انہاں آکھیا جو پاکستان دی حکومت اقلیت دی فلاح بہبود تے انہاں دے بنیادی حقوق دے تحفظ سانگے پر عزم ہے ۔ایں ضمن اچ اساڈی کاوش اساڈے نبی پاک حضرت محمد ﷺ دے سنہری اصولاں تے اساڈے قائد تے اساڈے آئین دے تابع ہن ۔وزیراعظم ایں امر دا اعادہ کیتا جو بین المذاہب تے بین العقیدہ ہم آہنگی دے ودھارے دی ضرورت اج توں پہلے کجھ ودھ محسوس کیتی ویندی ہے ۔اساکوں ایں گالھ بھلاونڑیں نی چاہیدی جو کوئی وی مذہب تے منافرت تے تشدد دا درس نی ڈیندا ۔درحقیقت ہر مذہب امن تے ہم آہنگی تے انسانیت نال محبت دے ودھارے دا حامی ہے ۔انہاں مذہبی رہنماواں تے زور ڈتا جو او بنیادی مذہبی اقدار کوں نشابر کرنڑ تے انہاں اقدار دے ودھارے اچ اپنڑاں کردار اداکرن جیرھا جومعاشرے کوں انسانیت دے رشتے اچ جوڑیندے ہن ۔
