اسلام آباد ۔ 20 اکتوبر (اے پی پی) وزیراعظم دے مشیر قومی تاریخ تے ادبی ورثہ عرفان صدیقی آکھیا ہے جو حکومت ذیابیطس دے علاج دیاں بہترین سہولتاں دی فراہمی سانگے کوششاں کریندی پئی ہے،ایں مرض دے کھنڈ ونجنڑ دی رفتار کوں ڈیکھدے ہوئیں ضروری ہے جو نجی شعبے نال تعلق رکھنڑ آلے لوکاں وی کار خیر دے جذبے اچ انہاں دیاں کوششاں اچ نال رلن تاں جو قومی صحت دے اہداف دے حصول اچ مدد مل سگے ۔او جمعے کوں فلاحی ادارہ مرکز ذیابیطس پاکستان دے دورے دے موقع تے گالھ مہاڑ کریندے پے ہن۔ عرفان صدیقی ڈاکٹر اسجد حمید اتے انہاں دے رفقا دے دردمندانہ جذبے کوں سرہندے ہوئیں آکھیا جو ایں مرکز سانگے مختلف کم کرنڑ آلے تے باہرلے ملک توں خدمت دا جذبہ گھن تے پاکستان اچ کم کریندے پن ،اے پاکستان روشن تے مثبت چہرہ ہے جیں کوں چنگاں آکھنڑاں چاہیدا ہے ۔ایں موقع تے ڈاکٹر اسجد حمیدوزیراعظم شاہد خاقان عباسی اتے مشیر وزیراعظم عرفان صدیقی دا شکریہ ادا کریندے ہوئیں آکھیا جو حکومتی سرپرستی پاروں عوام دی بھلائی تے ایندے وڈے منصوبے نال ہک نواں حوصلہ ملیا ہے ۔
