حکومت ملک اچ صنعت تے پیداواردے شعبے دی ترقی سانگے اقدامات کریندی پئی ہے ،وفاقی وزیر غلام مرتضیٰ جتوئی

اسلام آباد ۔ 18 اکتوبر (اے پی پی) وفاقی وزیرصنعت تے پیداوار غلام مرتضیٰ جتوئی آکھیا ہے جوحکومت ملک اچ صنعت تے پیداواردے شعبے دی ترقی سانگے اقدامات کریندی پئی ہے ،چین پاکستان اقتصادی راہداری دے تحت خصوصی زونز دے قیام نال ملک اچ روزگار دے نویں موقع مل ویسن ۔انہاں خیالاں دااظہار انہاںبدھ کوں اتھاں پرنسپل انفارمیشن افیسرمحمد سلیم بیگ ولوں ڈتے گے ظہرانے دے موقع تے میڈیا نال غیر رسمی گالھ مہاڑ دے دوران کیتا ۔ایں موقع تے وزات صنعت تے پیداوار دے ذیلی اداریں دے سربراہیں تے انفارمیشن گروپ دے اعلیٰ افسر موجود ہن ۔وفاقی وزیر آکھیا جو حکومت عوام دی چنگائی تے ملک کوں اقتصادی طور تے مضبوط بنڑاونڑ سانگے صنعتی شعبے دی ترقی تے توجہ ڈیندی پئی ہے ،پیداوار اچ ودھارے سانگے بہوں سانگے اقدامات چاتے گن ،جیں دے ثمرات وی آونڑ شروع تھی گے ہن ۔