پاکستان سارے دہشت گرد گروپ دے خلاف بلاامتیاز کارروائیاں کریند ا پے، دہشت گرداں دیاں محفوظ پناہ دیاں جہیں افغانستان اچ ہن ،پاک امریکہ اعلیٰ سطح تے ملاقاتاں نال ڈوہیں ملکاں وچال تعلقات اچ مثبت پیش رفت تھی ہے
اسلام آباد ۔ 19 اکتوبر (اے پی پی) دفترخارجہ دے ترجمان آکھیا ہے جوپاکستان سارے دہشت گرد گروپ دے خلاف بلاامتیاز کارروائیاں کریند ا پے، دہشت گرداں دیاں محفوظ پناہ دیاں جہیں افغانستان اچ ہن ۔پاک امریکہ اعلیٰ سطح تے ملاقاتاں نال ڈوہیں ملکاں وچال تعلقات اچ مثبت پیش رفت تھی ہے ۔پاکستانی فورسز ولوں کامیاب اپریشن دے بعد با زیاب کنیڈین جوڑے دے حوالے نال امریکی صدر ٹرمپ دے 14اکتوبر دے پیغام دا خیر مقدم کریندوں ،پاکستان افغان حکومت تے عوام دی قیادت اچ امن عمل دی حمایت تے ایندے سہولت کاردا کردار جاری رکھیسی ۔خمیس کوں ہفتہ وار پریس بریفنگ دے دوران دفتر خارجہ دے ترجمان محمد نفیس زکریا آکھیا جو پاکستان سارے دہشت گرد گروپ دے خلاف بلا امتیاز کاروائی کریندا پیا ہے ۔سیکورٹی فورسز ولوں کامیاب اپریشن دے نتیجے اچ قبائلی علاقیں اسمیت ملک توں دہشت گرد اں دا صفایا کر ڈتا گیا ہے ۔دہشت گرداں دیاں محفوظ پناہ گاہیں افغانستان اچ ہن ۔کینیڈین جوڑے کوں افغانستان توں اغوا کیتا گیا ہئی ۔ترجمان ہک سوال دا جواب ڈیندے ہوئیں آکھیا جو اومان اچ چھیویں چار فریقی مذاکرات اچ سیکر ٹری خارجہ تہمینہ جنجوعہ پاکستان دی نمائندی کیتی ۔پاکستان افغان حکومت تے قیادت اچ امن عمل اچ سہولت کار دا کردار جاری رکھیسی ۔کشمیر دے حوالے نال ترجمان آکھیا جو بھارتی فوج مقبوضہ کشمیر اچ مسلسل انسانی حقوق دیاں خلاف ورزیاں کریندی پئی ہے ۔گزریل ڈینہاں اچ درجناں نہتے کشمیریاں کوں شہید کر ڈتا گیا تے سیاسی رہنماواں کوں گرفتار تے نظر بند کیتا ویندا پے ۔ترجمان آکھیا جو مقبوضہ کشمیر اچ نقلی مقابلے ،، ماورائے عدالت قتل عام اتے اجتماعی قبراں دی دریافت تھی گی ہے ، بھارت دا لائن آف کنٹرول تے دراندازی اتے ولا پاکستان تے الزام لاونڑ انہاں سارے پہلواں تے مقبوضہ کشمیر دی صورت حال توں نظر ہٹاونڑ سانگے ہے ۔ترجمان ترائے سال دی مد ت سانگے پاکستان دا اقوام متحدہ دی انسانی حقوق کونسل دا رکن بنڑ ونجنڑ تے سارے پاکستانیاں کوں مبارخ ڈتی تے آکھیا جو اے کامیابی دفتر خارجہ دے اقوام متحدہ اچ افسراں ،سیکر ٹری خارجہ دی حکمت عملی تے باہرلے ملک اچ تعینات پاکستانی سفیراں دی کوشش نال ممکن تھیا ہے ۔سی پیک متعلق ترجمان آکھیا جو اے علاقائی رابطے دا منصوبہ ہے جیں نال پاکستان خطے دا اہم مرکز بنڑ ویسی ۔
