مظفرگڑھ۔31 اکتوبر(اے پی پی )مظفرگڑھ دی تحصیل علی پوردے تھانڑاں کندائی دی وستی لاشاری اچ زہریلی لسی پیونڑ دے دردناک سانحہ اچ 13بندے ہلاک تھی گئے ہن جڈانجو بئی ہلاکتاں دا سلسلہ رُک نہ سگیا ،زہریلی لسی پیونڑ نال متاثرہ بندیاں اچوں چلڈرن کمپلیکس ہسپتال ملتان اچ زیرِ علاج پنج سالہ بالڑی نسرین اتے نشتر ہسپتال ملتان اچ زیر علاج ڈاہ سالہ سسی وی دم تروڑ گئی اتے ہنڑ جاں بحق تھیونڑ آلیاں دی تعداد15تھی گئی اے۔زہریلی لسی پیونڑ نال 27بندے متاثر تھےے ہن جنہاں اچوں 4کوں ڈسچارج کر ڈتا گئے جڈانجو 8بندیاں کوں حالی وی نشتر ہسپتال اتے چلڈرن کمپلیکس ملتان اچ علاج تھیندا پئے ۔تھانڑاں کندائی پولیس لسی اچ زہر ملاونڑ آلی مرکزی ملزمہ آسیہ بی بی ،ملزمہ دا ساتھی شاہد اتے اوندی مامی زرینہ بی بی کوں گرفتار کر تے دہشت گردی قتل اتے بئی دفعات دے تحت مقدمہ درج کر گھدے۔
