اسلام آباد ۔ 02 اکتوبر (اے پی پی) وفاقی وزیر نجکاری دانیال عزیز آکھیا ہے جو سابق وزیراعظم محمد نواز شریف دے خلاف بے بنیاد اتے من گھڑت کیس بنڑایا گیا ہے۔ ریفرنسز اچ جیرھے ایم ایل ایز اتے سورس ڈاکومنٹس پیش کیتے گے ہن او غیرتصدیق شدہ اتے قابل سماعت کائنی۔ سنوار کوں احتساب عدالت دے باہروں صحافیاں نال گالھ مہاڑ کریندے ہوئیں انہاں آکھیا جو گزریل سماعت تے جیرھی صورت حال سامنڑے آئی ہے ایں پاروں سکیورٹی اداریں انتظام کیتا ہویا ہے ۔انہاں آکھیا جو اپنڑی جماعت دی نمائندگی کرنڑ اساڈا فرض ہے ۔انہاں آکھیا جو عدالت فرد جرم کیا عائد کرنڑاں ہے جڈاں کیس خالی ہے کوئی کاغذ کائنی انہاں دے اپنڑے وکیل آکھیا ہے جو جیرھے ایم ایل ایلز ایزہن او غیر تصدیق شدہ ہن او قابل سماعت ہی کائنی جیرھے سورس ڈاکو منٹس پیش کیتے گے ہن او وی قابل سماعت کائنی ۔انہاں صحافیاں توں سوال کیتا جوتساں میکوں ڈساﺅ جو فرد جرم عائد تھیونڑ کیا ہے ۔ انہاں آکھیا جو عدالت دی سماعت تے ساریں کوں سمجھ آونجڑیں چاہیدی ہے جو اے کیس خالی کھوکھا ہے اج اساں عدالت اچ آیوں جو قوم کوں اصل حقیقت ڈسا سگوں ۔انہاں آکھیا جو میڈیا کوں روکنڑ سانگے حکومت دا کوئی کردار کائنی۔
