اے اپنڑی نوعیت دا پہلا مقدمہ ہے جیں دا فیصلہ پہلے آگیا ہے تے ٹرائل بعد اچ چلدا پے ،اساں بھجنڑ آلے کائنی ،اساں او لوک ہوں جیرھے آئین تے قانون تے عدالتاں دے احترام تے انصاف دے تقاضیں کوں پورا کرنڑ سانگے باہرلے ملک توں وطن واپس آئے ،لیڈر نوا زشریف ہن تے پالیسی وی انہاں دی ہے ،پارٹی ہنڑ وی ہک مٹھ ہے ،پارٹی کوں تروڑ ڈیونڑ دی خواہش کرنڑ آلے خود ترڈے پن
اسلام آباد ۔ 19 اکتوبر (اے پی پی)سابق وزیر اعظم محمد نواز شریف دی صاحبزادی مریم نواز آکھیا ہے جواے اپنڑی نوعیت دا پہلا مقدمہ ہے جیں دا فیصلہ پہلے آگیا ہے تے ٹرائل بعد اچ چلدا پے۔ احتساب عدالت اچ پیشی دے موقع تے میڈیا نال گالھ مہاڑ کریندے ہوئیں مریم نواز آکھیا جو میں کل سنڑیا تے پڑھیا ہے جو نیب دی ٹیم لندی گی ہے ،میکوں اے ڈسایا ونجے جو جے آئی ٹی دے وڈے وڈے ڈبے اچ ثبوت ہن او کتھاں گے ۔انہاں آکھیا جو عدالت عظمی دے فاضل جج صاحبان آکھیا ہئی جو نیب ہک مردہ ہے ۔ہنڑ میکوں اے ڈسایا ونجے جوکیا نیب چنگاں تھی گیا ہے یا جیندا تھی گے اتے میں تاں پہلے وی آکھیا ہم جو ہک واری سزا ڈے ڈیو۔ہک سوال تے مریم نواز آکھیا جو اساں بھجنڑ آلے کائنی اساں تاں او لوک ہوں جیرھے آئین تے قانون دے احترام اچ انصاف دے تقاضے کوں پورا کرنڑ سانگے باہرلے ملک توں وطن واپس آئے ہوں تے میں ڈساونڑ چاہندی ہاں جو کوئی وی قانون توں بالاتر کائنی،اساں کھلے دل تے صبر تے حوصلے اتے امید دے نال ایں ٹرائل تے اوکھ دا مقابلہ کریندے پیوں ۔انہاں آکھیا جو اساں تاں سے سارا کجھ برداشت کر گھدا ہے ،جنہاں احتساب کوں انتقام بنڑایا ہے ہک ڈینھ انہاں دا وی احتساب تھیسی ۔انہاں آکھیا جو لیڈ ر وی نوا ز شریف ہن تے پالیسی وی انہاں دی ہے ۔پارٹی ہنڑ وی ہک مٹھ ہے تے پارٹی کوں تروڑ ڈیونڑ دی خواہش کرنڑ آلے خود ترڈے پن لیکن پارٹی اچ ہر طرح دے مائنڈ سیٹ دے لوک ہوندے ہن ایں طرح فیملی اچ وی ہوندے ہن ، فیملی اچ کوئی اختلاف کائنی لیکن اختلاف رائے ضرور تھی سگدا ہے تے اختلاف رائے خراب گالھ کائنی۔ انہاں آکھیا جو ظلم دے خلاف آواز چاونڑ اساڈ حق ہے تے ظلم دے خلاف آواز نہ چاونڑ ساریں توں وڈا ظلم تے نا انصافی ہے ۔مریم نواز آکھیا جو حکومت وی ہک ادارہ ہے ،ایندی عزت ہوونڑیں چاہیدی ہے ،ادارے اپنڑے اپنڑے دائرے اچ رہ تے کم کرن تاں ولا لوک خود بخود انہاں دی عزت کریسن ۔
