سابق وزیر اعظم محمد نواز شریف دے نیب ریفرنسز دی سماعت دے موقع تے کھلی عدالت کوں بند کمرہ عدالت اچ بدال تے ایندی توہین کیتی گی ، سپریم کورٹ ایں معاملے دانوٹس گھنے ،سابق وفاقی وزیر اطلاعات و نشریات سینٹر پرویز رشید

اسلام آباد ۔ 02 اکتوبر (اے پی پی) سابق وفاقی وزیر اطلاعات و نشریات سینٹر پرویز رشید آکھیا ہے جو سابق وزیراعظم نوازشریف دے نیب ریفرنس دی سماعت دے موقع تے کھلی عدالت کوں بند کمرہ عدالت اچ بدال تے ایندی توہین کیتی گی ،سپریم کورٹ ایں معاملے دا نوٹس گھنے اج اے گالھ ثابت تھی گی ہے جو پاکستان اچ جیں ڈے اقتدار ہے اوں ڈے اختیار کائنی ہوندا ۔انہاں خیالاں دا اظہار انہاں سنوار کوں احتساب عدالت دے باہروں صحافیاں نال گالھ مہاڑ کریندے ہوئیں کیتا ۔سینیٹر پرویز رشید آکھیا جو وزیر داخلہ احسن اقبال کاوڑ کر تے کائنی گے بلکہ او انتظامی معاملات دا جائزہ گھننڑ دی اپنڑی ذمے واری نبھاونڑ دے بعد واپس گے ہن ۔انہاں آکھیا جو عدالت اچ ایڈیشنل ڈپٹی کمشنر تے سیکورٹی انچارج کوں وی داخل نی تھیونڑ ڈتا گیا ۔انہاں آکھیا جو اج عدالت دی توہین کیتی گی ،سپریم کورٹ ایں معاملے دا نوٹس گھنے تے اساکوں انصاف ڈیوے ۔انہاں آکھیا جو سیاسی قائدین اپنڑاں مقدمہ عوام ڈے گھن تے ویند ے ہن اج کیمرے دی اکھ نال پوری قوم ڈیکھدی پئی ہے جو اے کیا معاملہ چلدا پیا ہے ۔