اسلام آباد ۔ 18 اکتوبر (اے پی پی)سپیکر قومی اسمبلی سر دار ایاز صادق دیوالی دے موقع تے ہندو ارکان پارلیمنٹ تے ہندو برادری کوں مبارخ ڈتی ہے ۔سپیکر قومی اسمبلی ایں موقع تے خوشی دا اظہار کریندے ہوئیں آکھیا جو دیوالی ،امن ،محبت تے انسانیت نال محبت دا تہوار ہے ۔انہاں اپنڑے پیغام اچ آکھیا جو پاکستان مختلف مذہب دے منڑ آلیں دا مسکن ہے تے مختلف ثقافتاں دا آئینہ دار ہے ،اتھاں ساریاں قوماں دے تہواراں کوں چنگے جوش تے جذبے نال منایا ویندا ہے ۔ڈپٹی سپیکر قومی اسمبلی مرتضیٰ جاوید عباسی وی ایں موقع تے ہندو ممبرز قومی اسمبلی کو ںمبارخ ڈتی تے قومی ترقی اتحاد تے ہک مٹھ سانگے ہندو برادری دی خدمات کوں سراہیا ۔
