سیکرٹری خارجہ تہمینہ جنجوعہ سری لنکا روانہ، پاکستان اتے سری لنکا وچال ڈو پاسے سیاسی مشاورت دے 5ویں دور اچ حصہ گھنسن

اسلام آباد ۔ 16 اکتوبر (اے پی پی) سیکرٹری خارجہ تہمینہ جنجوعہ)اج( منگل توں سری لنکا دا ڈو ڈینھ دا دورہ کریسن ، اپنڑے ڈے ڈینھ دے قیام دے دوران پاکستان تے سری لنکا وچال ڈو پاسے سیاسی مشورے دے 5ویں دور اچ حصہ گھنسن ۔ڈو پاسے سیاسی مشورے دا چوتھا دور اگست 2014اچ اسلام آباد اچ تھیا ہئی ۔سیکر ٹری خارجہ سری لنکن صدر میتھری پالا سری سینا، وزیر اعظم رانیل وکرماسنگھے اتے وزیر خارجہ تلک ماراپانہ نال ملاقاتاں کریسن ۔ڈو پاسے تعلقات تے علاقائی تے بین الاقوامی سطح تے مختلف امور تے گالھ مہاڑ کریسن ۔ سیکرٹری خارجہ تہمینہ جنجوعہ ”پاکستان ایلومینائی سوسائٹی آف سری لنکا“ دا وی افتتاح کریسن۔