اسلام آباد ۔ 19 اکتوبر (اے پی پی)ترجمان ایوانِ صدر گزریل ڈینھ بنوں اچ صدر مملکت ممنون حسین دے خطاب دے حوالے نال روزنامہ”ایکسپریس“دی رپورٹنگ تے افسوس دا اظہار کریندے ہوئیں آکھیا ہے جو صدر مملکت اپنڑے خطاب اچ موجودہ حکومت ولوں قرضے دے حوالے نال کوئی ایجھی گالھ کائنی کیتی جیرھی جو بادی النظر اچ ایں خبر توں اخذ ہوندی ہے ۔خمیس کوں ہک بیان اچ ترجمان ایوان صدر آکھیا جو صدر مملکت 2013توں 2017دے دوران ایں وقت دی حکومت ولوں گھدے گے قرضے دا ذکرکریندے ہوئیں آکھیا ہئی جو عوام کوں حق حاصل ہے جو او سوال کرن انہاں رقماں نال ملک اچ کیرھے ترقیاتی منصوبے پورے کیتے گے ہن ۔ترجمان ایوان صدر آکھیا جو مذکورہ اخبار دی خبر تضاد تے مبنی ہے جیںدے ابتدائیے اچ موجودہ حکومت تے بارے قرضے حاصل کرتے کوئی ترقیاتی منصوبہ نہ بنڑاونڑ دی گالھ کیتی گی ہے جڈاں جو ایں خبر دے چھیکڑی حصے اچ موجودہ دور حکومت اچ دیامر بھاشا اتے داسو ڈیم دی تعمیر دے ذریعے بجلی دی پیداوار اچ ودھارے تے لوڈ شیڈنگ دے خاتمے دا ذکر ہے جیں نال خبر دا تضاد واضح تھیندا ہے ۔صدر مملکت اپنڑی تقریری اچ واضح طور تے آکھیا ہئی جو موجود ہ حکومت کوں 2013اچ 14ہزار8 سو ارب روپے دے قرضے ورثے اچ ملیے ہن۔ عوام کوں پچھنڑاں چاہیدا ہے جو اے قرضے کیں ترقیاتی منصوبے تے خرچ کیتے گن ۔ صدر مملکت مزید آکھیا جو2013 توں 2017تئیں ملک اچ بہوں سارے ترقیاتی منصوبیں تے کم تھیا ہے ،جیں اچ دیا مر بھاشا ڈیم تے داسو ڈیم سمیت بجلی دی پیداوار دے بہوں سارے منصوبے شامل ہن جیں نال 2018تئیں بجلی دی لوڈ شیڈنگ دا خاتمہ تھی ویسی یا برائے ناں رہ ویسی ۔
