بنوں۔ 18 اکتوبر (اے پی پی)صدر مملکت ممنون حسین آکھیا جو ملکی معیشت چنگے انداز اچ اگوں ودھدی پئی اے اتے معیشت دی بہتری اتے ملکی استحکام سانگے سارے طبقیاں کوں کٹھا کرنڑ دی لوڑھ اے۔انہاں اے گالھ بدھ کوں یونیورسٹی آف سائنس و ٹیکنالوجی بنوں دے کانووکیشن توں خطاب کریندیں ہوئیں آکھی۔انہاں آکھیا جو وطن عزیز صحیح معنیاں اچ ایں صورت اچ ترقی کر سگدے جڈانجو معاشی تے معاشرتی شعبیاں توں انج سیاسی شعبہ وی مستحکم تھیوے۔استحکام سانگے ضروری اے جو اساڈے نینگر ودھ توں ودھ تعلیم حاصل کرن اتے قومی معاملیاں تے تے یکا نظر رکھن تانجو قومی زندگی چلدی رہی اتے اندرلی اتے باہرلے عوامل ایں تے اثر انداز تھی کراہیں ترقی دی رفتار کوں متاثر نہ کر سگن۔انہاں آکھیا جو پاک چین اقتصادی راہداری پاروں دنیا امید بھری نگاہوں نال ایں خطہ خصوصی طور پاکستان آلے پاسے ڈیکھدی پئی اے۔انہاں آکھیا جو ایں راہداری نال پاکستان اتے چین ای نی جڈانجو دنیا دے کئی حصیاں اچ صنعت تے حرفت اتے تجارت تے معیشت سمیت لوکاں دے معاشرتی رویاں اچ وی ہک ایجھی تبدیلی آ ویسی جئیں سانگے زمانہ راہداری توں پہلے اتے راہداری دے بعد دی اصطلاح استعمال کرنڑی پمسی۔
