اسلام آباد ۔ 11 اکتوبر (اے پی پی) گورنر سندھ محمد زبیر آکھیا ہے جو حکومت صوبے اچ صنعتی ترقی تے تجارت دے ودھارے سانگے بنیادی ڈھانچے تے توجہ ڈتی ہوئی ہے ۔ریڈیو پاکستان نال گالھ مہاڑ کریندے ہوئیں انہاں آکھیا جو ملکی ترقی تے غربت دے خاتمے سانگے ضروری ہے جو صنعت تے تجارت کوں ودھارا ڈتا ونجے ۔ایہا وجہ ہے جو موجودہ حکومت صوبہ سندھ اچ صنعتی سیکٹر دی ترقی سانگے بنیادی ڈھانچے دی ترقی تے توجہ ڈیندی پئی ہے ۔گورنر محمد زبیرآکھیا جو صنعتی علاقیں اچ بنیادی ڈھانچے دی ترقی سانگے مختصر ،اوسط تے لمبی مدت پروگرام دی منصوبہ بندی کیتی ویندی پئی ہے ۔
