اسلام آباد ۔ 19 اکتوبر (اے پی پی)وفاقی وزیر نجکاری دانیال عزیز آکھیا ہے جو پاکستان تحریک انصاف دے چیئرمین عمران خان سیاست اچ اناڑی ہن ہنڑ انہاں کوں آرام دی ضرورت ہے ، فرد جرم عائد تھیونڑ دے بعد نیب ٹیم کیرھے ثبوت گولنڑ لندن گی ہے ۔انہاں خیالاں دا اظہار انہاں خمیس کوں احتساب عدالت دے باہروں میڈیا نال گالھ مہاڑ کریندے ہوئیں کیتا ۔دانیا عزیز آکھیا جو عمران خان دے وکیل نعیم بخاری عدالت اچ اعترافی بیان ڈتا ہے جیرھا جو سارے اخباراں اچ چھپ گے ۔انہاں آکھیا جو جہانگیر ترین دے اعترافی بیان تے دستخط ہن اگر او نا اہل تھی ویندے ہن تاں 2018دے انتخابات اچ انہاں دا کیا بنڑسی ایں سانگے او بہانے گولیندے ودن ۔وفاقی وزیر آکھیا جو اج نیب دے چیئر مین کوں کیا ضرورت پے گی ہئی جو اے آکھن نیب سیاسی کائنی ،اتھاں فرد جرم لگ گی ہے تے نیب آلے لندن اچ ثبوت تلاش کریندے ودن ۔دانیا عزیز آکھیا جو عمران خان کافی دیر تئیں کرکٹ دا میدا ن گرمایا ہے او سیاست اچ اناڑی ہن تے ہنڑ انہاں کوں ریسٹ دی ضرورت ہے ۔
