قومی سلامتی دے مشیر لیفٹیننٹ جنرل (ر) ناصر جنجوعہ نال چینی سفیر سن وی ڈونگ دی الوداعی ملاقات

اسلام آباد ۔ 02 اکتوبر (اے پی پی)قومی سلامتی دے مشیر لیفٹیننٹ جنرل (ر) ناصر جنجوعہ نال چینی سفیر سن وی ڈونگ دی الوداعی ملاقات کیتی جئیں اچ خطہ دی سلامتی دی صورتحال اتے آپسی دلچسپی دے معاملیاں تے گالھ مہاڑ کیتی گئی۔قومی سلامتی دے مشیر چین دے سفیر دی پاکستان اچ تعیناتی وچال خدمات اتے ڈوہیں ملکاں وچال دوستانہ تعلقات دے ودھارے سانگے انہاں دے کردار کوں سراہیا۔انہاں چینی سفیر سانگے نیک خواہشات دا اظہار کیتا اتے آکھیا جو انہاں دی خدمات کوں یکا یادرکھیا ویسی۔چین دے سفیر آکھیا جو چین مسابقت اتے محاذ آرائی تے یقین نی رکھیندے جڈانجو او آپسی احترام تے مبنی تعلقات دی حماےت کریندے جئیں نال علاقائی یکجہتی پیدا تھیوے اتے ساریاں سانگے مواقع دستیاب ہوون۔