لاہور ۔ 31 اکتوبر (اے پی پی) پاکستان مسلم لیگ(ن)لاہور دے صدروفاقی وزیر تجارت محمد پرویز ملک اتے جنرل سیکرٹری صوبائی وزیر خواجہ عمران نذیر آکھیا ہے جو مائنس نواز شریف کہیں صورت قبول کائنی ، مخالف کڈاہیں وی اپنڑے مذموم مقصد اچ کامیاب کائنی تھی سگدے۔نواز شریف دی قیادت اچ پارٹی ہک مٹھ ہے ،مسلم لیگ ن کہیں ادارے دے نال تصادم تے یقین نی رکھیندی ،مسلم لیگ ن ملک دی مقبول ترین جماعت ہے ۔تبدیلی دے دعویدار اں اگر حقیقی تبدیلی ڈیکھنڑیں ہے تاں پنجاب اچ آ تے ڈیکھن ۔ن لیگ دی حکومت ملک کوں دہشت گرددی توں پاک کر تے ہی دم گھنسی ۔انہاں خیالاں دا اظہار انہاں گزریل ڈینھ لاہور دفتر اچ عہدیداراں تے کارکناں نال خطاب کریندے ہوئیں کیتا ۔ایں موقع تے ارکان اسمبلی مہر اشتیاق،رمضان صدیق بھٹی ،سید توصیف شاہ، عامر خان، چوہدری عبدالمجید چن نمبردار،جاوید اقبال ،رانا احسن شرافت شرکت کیتی۔ انہاںآکھیا جو عمران خان جتنا چاہے رولا پا گھنے الیکشن 2018اچ ہی تھیسن ۔
