مقبوضہ کشمیر اچ نہتے کشمیریاں تے ظلم دی ذمے واری عالمی براداری تے اقوام متحدہ تے لگدی ہے ،وفاقی وزیر مشاہد اللہ خان

اسلام آباد ۔ 27 اکتوبر (اے پی پی) وفاقی وزیر موسمیاتی تبدیلی سینیٹر مشاہد اللہ خان آکھیا ہے جومقبوضہ کشمیر اچ نہتے کشمیریاں تے ظلم دی ذمے واری عالمی براداری تے اقوام متحدہ تے لگدی ہے ،انہاں اکھیں بند کر رکھیاں ہن ،اقوام متحدہ 70سال پہلے منظورتھیونڑ آلیاں قرارداداں تے عمل در آمد اچ ناکام رہی ہے ۔جمعے کوں پارلیمنٹ ہاﺅس دے باہروں میڈیا نال گالھ مہاڑ کریندے ہوئیں انہاں آکھیا جو مقبوضہ کشمیر اچ کوئی ڈینھ ایجھا کائنی جڈاں کشمیری قربانی نہ ڈیون کشمیریاں دیاں ماواں اپنڑے بالاں دا خون تھیندا ڈیکھدیاں پن ،پیلٹ گن استعمال کرتے لوکاں کوں اندھا کیتا ویندا پے ۔انہاں آکھیا جو مقبوضہ کشمیراچ کشمیریاں تے ظلم دی ذمے وار اقوام متحدہ اتے عالمی برادری ہے جنہاں اپنڑیاں اکھیں بند کر رکھیا ہن ۔