ملتان،ڈولفن فورس دا شہریاں نال ناروا سلوک دا معاملہ،سی پی او رپورٹ منگ گھدی

ملتان۔28 اکتوبر(اے پی پی )سٹی پولیس آفیسر محمد سلیم ڈولفن فورس ولوں شہریاں کوں زمین تے بلھا کراہیں تلاشی گھنڑ دے غیر اخلاقی سلوک تے رپورٹ منگ گھدی اے۔پولیس دے ذرائع دے مطابق ہفتہ کوں سی پی او شہریاں دی شکاےت تے میڈیا تے چاتے گئے ڈولفن فورس دے ناروا سلوک تے نوٹس گھندیں ہوئیں متعلقہ ٹیم کوں شوکاز نوٹس جاری کر ڈتے۔سی پی او واقعہ دی رپورٹ منگدیں ہوئیں ڈی ایس پی لیگل حاکم نول کوں معاملہ دی تحقیقی کر تے فوری رپورٹ پیش کرنڑ دا حکم ڈتے۔