ایبٹ آباد۔ 24 اکتوبر (اے پی پی) ڈپٹی سپیکر قومی اسمبلی مرتضیٰ جاوید عباسی آکھیا ہے جو سابق وزیراعظم محمد نواز شریف دے ویژن اتے وزیراعظم شاہد خاقان عباسی دی قیادت اچ مسلم لیگ (ن) دی حکومت عوامی مسلیں دے حل سانگے کوشاں ہے ،2018دے عام انتخابات اچ مسلم لیگ ن کاکردگی دی بنیاد تے عوام دے تعاون نال وفاقی تے خیبر پختونخوا سمیت سارے صوبیں اچ اپنڑی حکومت بنڑیسی ،عمران خان دی صوبائی حکومت صوبے دے عوام کوں مایوسی دے سوا کجھ نی ڈتا ۔درکن دھموڑ دی جاہ تے لوئیر گلیات کوں سوئی گیس دی فراہمی دے افتتاح دے بعد منعقد تقریب توں خطاب کریندے ہوئیں انہاں آکھیا جو وفاقی حکومت لوئر گلیات کوں سوئی گیس فراہمی سانگے محکمہ سوئی گیس کوں 59 کروڑ روپے جڈاں جو صوبائی حکومت کوں7 کروڑ روپے ادا کرڈتے ہن، دسمبر تئیں مین پائپ لائن وچھاونڑ دا کم تے سوئی گیس دی فراہمی وی شروع تھی ویسی ،منصوبے نال لوئر گلیات دیاں 6یونین کونسلاں دے ہزاراں لوکاں کوں فائدہ تھیسی، سوئی گیس دی فراہمی نال ارباں روپے مالیتی جنگلات دی کٹائیوی مک ویسی۔
