جھنڈیال(فتح جنگ)۔ 13 اکتوبر (اے پی پی) وزیراعظم شاہد خاقان عباسی آکھیا جو ملک اچ جمہورےت دے استحکام نال ای ترقی تھیسی اےں توں انج کوئی رستہ کائنی،کئیں ٹیکنوکریٹ یا غیر جمہوری حکومت پاکستان کوں نہ تاں کوئی فائدہ ڈتے اتے نہ ڈے سگدے۔مسلم لیگ (ن) دی حکومت دی گزریل چار سالیں دی کامیابیاں معمولی کائنی۔2018ءانتخابات اچ عوام دا جیڑھا وی فیصلہ تھیسی او پاکستان دی عوام قبول کریسن۔انہاں اے گالھ جمعہ کوں اسلام آباد توں تقریباً83کلومیٹر پرے ضلع اٹک دے علاقے جھنڈیال اچ تیل تے گیس دی دریافت دے منصوبے دی افتتاحی تقریب نال خطاب کرینیدیں ہوئیں آکھی۔ایں موقع تے وزیراعلیٰ پنجاب شہباز شریف، وفاقی وزیر شیخ آفتاب، وزیر دفاع خرم دستگیر، وزیر مملکت جام کمال خان، رکن قومی اسمبلی ملک اعتبار خان، صوبائی وزیر معدنیات چوہدری شیر علی، پاکستان آئل فیلڈ دے چیئرمین و سی ای او شعیب ملک اتے علاقے دے عمائدین دی وڈی تعداد موجود ہئی۔وزیراعظم آکھیا جو ملک اچ ہمہ جہت ترقی تھیندی پئی اے اے انہاں پالیسیاں دی بدولت اے جو محمد نواز شریف شروع کیتی اتے اگوں ودھدے پئن ۔
