وزیراعظم شاہد خاقان عباسی دی صدارت اچ جی ایس پی پلس نظام دے پاکستان دی تجارت تے اثرات دا جائزہ اجلاس

اسلام آباد ۔ 17 اکتوبر (اے پی پی) وزیراعظم شاہد خاقان عباسی وزارت تجارت،وزارت خارجہ امور سمیت سارے حلقیاں کوں پاکستان اتے یورپن یونین سانجھے داری کوں بئیا ودھاونڑ دے رستے اچ آئے مسئلے حل اتے بین الاقوامی منڈیاں اچ پاکستانی مصنوعات سانگے وسیع تر رسائی سانگے رل تے کم کرنڑ دی ہداےت کیتی اے۔اے گالھ انہاں جی ایس پی پلس نظام دے پاکستان دی تجارت تے اثرات دا جائزہ اجلاس نال خطاب کریندیں ہوئیں آکھی۔اجلاس اچ پاک۔یورپی یونین سانجھے داری دے بئے استحکام اتے پاکستانی مصنوعات سانگے وسیع تر مارکیٹ رسائی دے حصول بارے مختلف معاملیاں تے گالھ مہاڑ کیتی گئی۔۔ وزیر خارجہ امور خواجہ محمد آصف، وزیراعظم دے معاون خصوصی برائے اقتصادی امور مفتاح اسماعیل اتے بئے سینئر حکام وی اجلاس اچ شریک تھےے۔