ساسلام آباد ۔ 10 اکتوبر (اے پی پی) وفاقی کابینہ بندرگاہواں اتے جہاز رانی دی وزارت دا ناں بدل کراہیں وزار ت میری ٹائم رکھنڑ دی منظوری ڈے ڈتی گئی اے۔وزیراعظم شاہد خاقان عباسی دی صدارت اچ وفاقی کابینہ دا اجلاس تھیا۔کابینہ پاکستان اتے اٹلی وچال سفارتی پاسپورٹ رکھنڑ آلیاں سانگے ویزہ ختم کرنڑ دے معاہدے دے مذاکراتی مسودہ دی منظوری ڈتی۔اجلاس سری لنکا، نیپال، فرانس، تیونس، مراکش اتے پرتگال نال دہرے ٹیکساں توں بچاﺅ اتے آمدنی تے ٹیکساں بارے مالیاتی اجتناب دی روک تھام دے اجوکے کنونشن اچ ترمیم دی منظوری ڈے ڈتی۔۔ کابینہ ’پاکستان زرعی تحقیقاتی کونسل اتے بلغاریہ دی زرعی اکیڈمی وچال زرعی تحقیقی میدان اچ سائنس تے تکنیکی معاون سانگے ایم او یو تے دستخط دی وی منظوری ڈتی۔
